Мыйзам долбоорун талкуулоо учурунда депутат Данияр Толонов Улуттук банктын пайдасын республикалык бюджетке бөлүп берүүнүн маанилүүлүгүн, айрыкча аудит жүргүзүлгөндөн кийин, белгиледи. Анын кесиптеши Улан Примов бюджетке багытталуучу жалпы пайда көлөмүн эске алуу керектигин айтып, каражаттын бир бөлүгүн өнүктүрүүгө бөлүүнү сунуштады.
Мыйзам долбоору 2025-жылдагы Улуттук банктын бардык пайдасын республикалык бюджетке бөлүп берүү аркылуу бюджеттин кирешелерин көбөйтүүгө багытталган. Бул социалдык программаларды каржылоону камсыз кылып, өлкөдөгү экономикалык абалды стабилдештирүүгө мүмкүндүк берет.
Мыйзам долбоору мамлекеттин финансылык туруктуулугун жакшыртуу жана маанилүү социалдык чыгымдарды каржылоонун деңгээлин жогорулатуу максатында сунушталган.
