2023-жылдын 1-февралында Ош шаардык муниципалдык инспекциясы Алымбек-Датка көчөсүндө, 254-үйдө уруксат берилбеген курулуш иштерин текшерүү жүргүздү.
Инспекциянын натыйжасында «Юнайт Девелопмент» компаниясы тарабынан жасалган мыйзам бузуу фактылары аныкталды. Эки экскаватор айдоочусуна укук бузуулар кодексине ылайык протоколдор түзүлүп, айып пулдар берилди.
Мындан тышкары, каналдын коргоо зонасында жайгашкан объекттин ээси мыйзамсыз түрдө жээгин өзгөртүүгө аракет кылганы белгилүү болду. Окуя болгон жерге тиешелүү муниципалдык жана көзөмөл органдары чакырылды», - деп айтылат билдирүүдө.
Мэриянын маалыматына ылайык, ээлер каналдын агымын өзгөртүп, бизнес борборун курууну пландашкан. Бул иш боюнча керектүү актылар түзүлүп, материалдар укук коргоо органдарына териштирүү үчүн өткөрүлдү. Юридикалык баа учурдагы мыйзамдарга ылайык берилет.
Мэрия каналдардын жээгин өзгөртүү мүмкүн эместигин эскертет. Каналдарга байланыштуу (жер казуу жана жээгин өзгөртүү сыяктуу) бардык жер иштери тиешелүү мамлекеттик жана муниципалдык органдын уруксаты менен гана жүргүзүлүшү керек. Бул эрежелерди бузган учурда белгиленген нормаларга ылайык чаралар көрүлөт.
