Жергиликтүү мэриянын маалыматына ылайык, Кыргыз Республикасынын «Мамлекеттик тил жөнүндө» конституциялык мыйзамдын нормаларын толук аткаруу үчүн жана коомчулукта мамлекеттик тилдин колдонулушун жогорулатуу максатында мэриянын кызматкерлеринен жана анын структуралык бөлүмдөрүнөн турган жумушчу топ түзүлгөн.
Иш-чаралардын алкагында аталган мыйзамдын 26 жана 31-беренелеринин талаптары түшүндүрүлдү. Айрыкча, ишканалардын ээлерине жарнама, такта жана маалымат такталарын белгиленген тартипте: биринчи мамлекеттик тилде, андан кийин расмий тилде түзүлүшү керектиги түшүндүрүлдү. Объектилердин ээлери тиешелүү эскертүүлөрдү алышты.
Белгиленген мөөнөт өткөндөн кийин, аныкталган бузуулардын жоюлушун жана берилген эскертүүлөрдүн аткарылышын баалоо үчүн текшерүү жүргүзүү пландалууда.
