Дүйнөлүк өкмөттөрдүн саммитинде Кыргыз Республикасынын Министрлер кабинетинин төрагасы Адылбек Касымалиевдин Бириккен Араб Эмирликтери энергетика министри Сухейл Аль-Мазруи жана Masdar компаниясынын аткаруучу директору Мохаммед Жамиль Аль-Рамахи менен жолугушуусу өттү.
Энергетикалык долбоорлорду Кыргызстандын аймагында ишке ашыруу жолдору талкууланып, Кыргызстан менен БАЭ ортосундагы кызматташтыкты күчөтүү боюнча макулдашууга жетишилди.
Касымалиев өлкөнүн мамлекеттик энергетикалык саясатынын негизги багыттарынын бири «жашыл» энергетиканы өнүктүрүү экенин белгилеп, туруктуу өнүгүү жана жаңылануучу энергия булактарын пайдалануу боюнча өнөктөштүктүн маанилүүлүгүн баса белгиледи.
Мохаммед Жамиль Аль-Рамахи Masdar компаниясынын Кыргызстанды региондогу маанилүү өнөктөш катары көрүп жатканын жана кызматташтыкты өнүктүрүүгө даяр экенин билдирди.
Мындан тышкары, жолугушуунун алкагында Кыргыз Республикасынын Энергетика министрлиги менен Masdar компаниясы ортосунда Рамочный келишимге кол коюлду.
