Бул маалыматты Ош шаардык ИИБнин басма сөз кызматы берди.
Полициянын маалыматына ылайык, 4-февралда Сулайман-Тоос милиция бөлүмүнүн кызматкерлери кызды анын жакшы мамиледе болгон улук агасы аркылуу үйүнө кайтарган. Д. А. кызынын кайтып келишин өз каалоосу менен болду.
Маалыматка ылайык, ал мурда иштеген досторунун жанында убакыт өткөрүүнү чечкен.
Мурда маалымдалгандай, 21 жаштагы Д. А. кызы Ноокат районунда жоголгон. 2-февралда анын атасы, Алимбек уулу Маматсабыр, кызын жоголгондугу тууралуу милицияга билдирүү берген.
Кыз 1-февралда саат 17:00 чамасында Жатан айылындагы «Кызгалдак» ресторанынын жанында таксиге отурганда жоголуп, үйүнө кайтып келген эмес.
