4-февралда Аддис-Абебада Кыргыз Республикасынын Эфиопиядагы элчиси Адылбек Тультемиров Африка Биримдигинин Комиссиясынын төрагасы Махмуд Али Юсуфка өзүнүн ишеним грамоталарын тапшырды, деп билдиришти Кыргызстандын Тышкы иштер министрлигинен.
Иш-чара Африка Биримдигинин штаб-квартирасында өтүп, жакшы ниет жана өз ара урматтоо атмосферасында болду.
Тультемиров жылуу кабыл алганы үчүн ыраазычылык билдирип, Кыргызстандын уюмда байкоочу статусун алуунун маанилүүлүгүн белгиледи.
Махмуд Али Юсуф болсо, элчи Тультемировду ишинин башталышы менен куттуктап, Кыргызстандын жана Африка Биримдигинин ортосунда диалог жана кызматташтыкты орнотуунун маанилүүлүгүн айтты.
Сүйлөшүү учурунда өз ара кызыкчылык туудурган маселелер боюнча биргелешип иш алып баруу перспективалары талкууланды.
