Бишкекте, Каба уулу Кожомкул атындагы спорт сарайында, 17 жашка чейинки (U17) жаш спортчулар үчүн спорттук күрөш боюнча өлкө чемпионаты башталды.
Ачылыш аземине Мамлекеттик физикалык тарбия жана спорт агенттигинин орун басары Улан Кыдырбаев, Кыргыз Республикасындагы Күрөш Федерациясынын өкүлдөрү, ошондой эле өлкөнүн ар кайсы бурчтарынан келген күрөшчүлөр, машыктыруучулар жана көрүүчүлөр катышты.
Улан Кыдырбаев өз сөзүндө бардыгын мелдештин башталышы менен куттуктап, жаш катышуучуларга ийгилик жана жогорку жетишкендиктерди каалады. Ал мындай иш-чаралар жаштардын спорттук көндүмдөрүн өнүктүрүүдө жана улуттук курама команда үчүн резерв түзүүдө маанилүү роль ойнорун баса белгиледи.
Чемпионаттын жыйынтыгы боюнча I, II жана III орундарды ээлеген спортчулар медалдар жана дипломдор менен сыйланат, ошондой эле Кыргызстан курама командасына кирүү мүмкүнчүлүгүн алышат.
Бул мелдештердин негизги максаты аялдар күрөшүн популяризациялоо, спорттук чеберчиликти жогорулатуу, дене тарбиясын жайылтуу, ошондой эле наркомания, алкоголизм жана тамеки тартуу менен күрөшүү. Мындан тышкары, 2026-жылы Азия чемпионатына, Дүйнө чемпионатына жана башка эл аралык турнилерге катышуу үчүн улуттук курама командага тандоо пландалууда.
Чемпионаттын биринчи күнүндө 17 жашка чейинки кыздар арасында мелдештер өтүүдө. Жекпе-жектер салмак категорияларында өткөрүлүүдө: 40, 43, 46, 49, 53, 57, 61, 65, 69 жана 73 кг.
Финалдык жекпе-жектер 17:00гө белгиленген.
