2026-жылдын 4-февралы, Бахрейнге болгон жумушчу сапарынын алкагында, Саудия Арабиясындагы Кыргыз Республикасының элчиси Улукбек Марипов Бахрейндин каржы жана улуттук экономика министри шейх Салман бин Халифа Аль-Халифа менен жолугушту. Кыргыз Республикасының Тышкы иштер министрлиги билдиргендей, жолугушуу эки өлкө ортосундагы соода-экономикалык жана инвестициялык кызматташтыкты тереңдетүү жана кеңейтүү маселелерине арналган.
Сүйлөшүү учурунда элчи биргелешкен өкмөттөр аралык комиссияны түзүүнүн зарылдыгын, ошондой эле 2026-жылы Кыргызстанда анын биринчи жыйынын өткөрүүнү белгиледи. Ошондой эле эки тараптуу визиттерди ишке ашыруу, укуктук базаны кеңейтүү жана Бишкек менен Манама ортосундагы туруктуу түз аба каттамдарын жакынкы келечекте ачуу маселелери талкууланды.
Шейх Салман Аль-Халифа сунушталган сунуштар жана маалымат үчүн ыраазычылык билдирип, өз ведомствосунун бардык айтылган маселелерди чечүүгө жардам берүүгө даяр экенин белгиледи.
Жолугушуунун жыйынтыгы боюнча тараптар эки тараптуу маселелер боюнча иштерин улантууга жана Кыргызстан менен Бахрейн ортосундагы соода-экономикалык байланышты чыңдоого макулдашышты.
