Баткен облустук жол коопсуздугун камсыздоо башкармалыгынын басма сөз катчысы Бектемир Мамытовдун маалыматына ылайык, инспекторлор унааны токтотушкан, анын рулунда алкоголдук мас абалдагы адам болгон. Айдоочу мыйзамдуу талапты аткарбай, токтотулган жерден качууга аракет кылган.
«Кыска убакыттан кийин унаа токтотулуп, текшерүү жүргүзүлдү. Натыйжада, айдоочунун айдоочулук күбөлүгү жок экендиги жана андан алкоголдун жыты чыгып турганы аныкталды. Ал наркология бөлүмүнө жеткирилди, бирок мас абалын аныктоо үчүн медициналык текшерүүдөн өтүүдөн баш тартты», — деп кошумчалады ал.
КРдин укук бузуулар кодексинин 193-беренесинин 2-бөлүгүнө ылайык, айдоочуга мас абалда унаа башкаргандыгы же укугу жок адамга башкарууга берүү үчүн жаза каралган.
Текшерүүдөн өтүүдөн баш тартуу үч күнгө административдик камакка алууга алып келет; эгер айдоочу башкаруу укугуна ээ эмес болсо, анда камактын мөөнөтү беш күндү түзөт», — деп тактады Мамытов.
