Маалыматта бул маалыматтын чындыкка дал келбегендиги баса белгиленет.
"Учурда торага алмаштыруу маселеси күн тартибинде жок. Бул кызматты ээлеген Нурланбек Тургунбек уулу Түркияда депутаттык топтордун жетекчилери менен расмий сапарда. Делегацияга "Мекенчил" тобунун жетекчиси Кундузбек Сулайманов, "Элдик" тобунун жетекчиси Акылбек Тумонбаев, "Адилет Кыргызстан" тобунун жетекчиси Нурбек Сыдыгалиев, эл аралык иштер, коргоо, коопсуздук жана миграция боюнча комитеттин төрагасы Эльдар Сулайманов, ошондой эле "Ата-Журт" тобунун мүчөлөрү Алишер Козуев, Гулай Машрапова жана депутат Эльвира Сурабалдиева кирет", - деп белгилешти ЖКнын пресс-кызматынан.
