Алагозовдун белгилөөсү боюнча, президент Садыр Жапаров өз чечимин төмөнкүчө түшүндүрдү:
"Мен бул чечимди, биринчи кезекте, мамлекетибиздин кызыкчылыгы үчүн, коомдогу жана мамлекеттик структуралар арасындагы бөлүнүүнү алдын алуу, ошондой эле биримдикти бекемдөө максатында кабыл алдым", - деди президенттин басма сөз катчысы.
Бүгүн, 10-февралда, президенттин Камчыбек Ташиевди өкмөт башчынын орун басары жана Улуттук коопсуздук мамлекеттик комитетинин төрагалыгынан бошотуу тууралуу жарлыкка кол койгону маалым болду.
Анын ордуна Жумгалбек Шабданбеков УКМКнын төрагасынын милдетин аткаруучу болуп дайындалды.
