Маалыматка ылайык, жергиликтүү тургун К.Б. милицияга арыз жазып, 35 жаштагы Д.К. анын ишенимин пайдаланып, алдамчылык жолу менен «Hyundai Grandeur» маркасындагы унааны 21 миң долларга сатып алганын айтып берген.
Мындан тышкары, Ички иштер башкармалыгы бул шектүүнүн мурунку окшош кылмыш эпизоддору болгонун белгилейт. Тактап айтканда, 2024-жылдын 8-октябрында ал алдын ала маалыматтар боюнча, «Kia K5» унаасын сатуу боюнча келишимди көрсөтүп, банк аркылуу алдамчылык жолу менен 500 миң сом алган.
Баткен РОВДсынын кызматкерлери жүргүзгөн ыкчам иш-чаралардын натыйжасында, Д.К. 11-февралда «Издөө» атайын операциясынын алкагында кармалган жана убактылуу кармоо жайына жайгаштырылган.
Ага Кылмыш кодексинин 209-беренеси («Алдамчылык») боюнча айып коюлган жана камакка алуу чарасы катары аны кармоо чечими кабыл алынган.
