2026-жылдын 11-январында Ысык-Ата районунун ички иштер органдарына Ц.К. аттуу жаран кайрылып, «У.П.» ломбарддын кызматкери С.М.нын аракеттерине байланыштуу тынчсыздануусун билдирди. Анын айтымында, С.М. аталган мекемеде эксперт-баалоочу жана кассир болуп иштеп, жогорку баадагы жасалма насыяларды түзүп, акчаларды өзүнө ыйгарып алган.
Алдын ала маалыматтар боюнча, 2024-жылдын ноябрынан 2025-жылдын 31-декабрына чейин С.М. 4 000 000 сом суммадагы акчаны ыйгарып алган.
Жогорудагы жагдайларга байланыштуу Кыргыз Республикасынын Кылмыш кодексинин 210-беренесинде (Мамлекеттик мүлктү ыйгарып алуу жана ысыраптоо) көрсөтүлгөн кылмыш белгилери боюнча кылмыш иши козголду, деп билдирет Чүй облусунун Ички иштер башкармалыгы.
1986-жылы туулган С.М. аталган кылмышты жасоого шектелип кармалып, убактылуу кармоо жайына жайгаштырылды.
Бул иш боюнча тергөө уланууда.
