Аныкталган өндүрүштөр зарыл уруксат документтери жана лицензиялары жок иш жүргүзүшкөн. Мындан тышкары, алар акциздик маркаларды колдонушпаган жана тиешелүү салыктарды, анын ичинде акциз салыгын төлөбөгөн.
Факты укук коргоо органдарына териштирүү үчүн өткөрүлдү.
Ошондой эле, Чүй облусунун Аламудун районундагы Ленинское айылында «Макколли» аттуу жеңил алкогольдүү ичимдикти өндүргөн цех табылган. Өндүрүш лицензияларсыз жана акциздик маркаларсыз, ошондой эле акциз салыгын төлөбөй жүргүзүлгөн.
Аныкталган мыйзам бузуулар боюнча тиешелүү актылар түзүлүп, мыйзам бузуучуларга административдик айыппулдар салынган.
200 данадан кем акциздик продукцияларды акциздик маркаларсыз сатуу үчүн 100 миң сом өлчөмүндө айыппул каралган. 200 данадан ашык сатуу үчүн кылмыш жоопкерчилиги, 7 жылга чейин эркинен ажыратуу менен жаза колдонулушу мүмкүн.
Мамлекеттик салык кызматы ишкерлерди акциздик маркаларсыз акциздик продукцияларды сатпоого жана алардын чындыктыгын кылдат текшерүүгө чакырат. Мындан тышкары, жарандар алкоголь продукциясындагы акциздик маркалардын болушуна жана чындыктыгына көңүл буруп, шектүү товарларды тапкан учурда дароо салык кызматына кайрылуусу сунушталат.
Акциздик марканын чындыктыгын текшерүү үчүн «Salyk» мобилдик тиркемесин колдонуп, маалыматты сканерлөө жана кол менен киргизүү кызматын пайдаланууга болот.
