Ал акыркы беш жылдын ичинде өлкөнүн консолидирилген бюджетинин беш эсе өскөнүн жана 1 трлн сомдон ашык рекорддук суммага жеткенин белгиледи. "Бишкек - бул жөн гана борбор эмес, ошондой эле мамлекеттин бюджетине маанилүү кирешелерди камсыз кылган финансылык борбор. Мамлекеттик салык кызматы тарабынан жыйналган 304 млрд сомдун 198,7 млрд сому Бишкекке туура келет, бул 65% чамасында. Биз борбордо иштеп, жашаган бардык салык төлөөчүлөргө, ошондой эле ири салык төлөөчүлөргө ыраазычылык билдиребиз. Күч структуралары жана фискалдык органдар негизсиз текшерүүлөрдү токтотушу маанилүү. Бул маселе өзгөчө контролдо болот", - деп баса белгиледи ал.
Касымалиев ошондой эле шаардагы масштабдуу курулуштар жөнүндө айтып, акыркы беш жылда 218,1 км жол курулганын белгиледи.
2022-жылдан бери Бишкекте 30 жаңы мектеп ачылды, ал эми 40 окуу жайында капиталдык ремонт жүргүзүлдү. Учурда эки авариялык абалдагы мектеп пайдаланууга берилет, жаңы билим берүү мекемелерин жана кошумча корпус куруу улантылат. Ошондой эле борбордо 143 үй-бүлөлүк бала бакча ачылды. Ал быйыл Бишкекте 32 жаңы мектеп курулаарын убада берди.
Транспорттук инфраструктура боюнча Касымалиев 12-февралда Бишкек мэриясына 95 жаңы автобустун жана 42 атайын техниканын өткөрүлгөнүн билдирди. 2021-жылдан бери шаар 1 493 газ жана электр энергиясы менен иштеген автобус сатып алды. Акыркы эки жылда коммуналдык кызматтар 446 жаңы техниканы алышты.
Мэриянын коллегиясынын жыйынтыгы боюнча сунуштар жана тапшырмалар берилди.
