Кыргызстанга жумушчу визит менен Тажикстандын премьер-министри Кохир Расулзода келди. «Манас» эл аралык аэропортунда аны Кыргыз Республикасынын өкмөтүнүн төрагасынын орун басары жана суу ресурстары, айыл чарба жана кайра иштетүү өнөр жайы министри Бакыт Торобаев тосуп алды.
Расулзода өз визити учурунда Бишкекте өтүүчү кыргыз-тажик өкмөттөр аралык кеңештин биринчи жыйынына катышат.
Жыйындын аякташы менен бир катар келишимдерге кол коюу пландалууда. Мындан тышкары, эки өлкөнүн өкмөт башчылары борбордогу маанилүү инфраструктуралык объекттерди зыярат кылышат. ```
