Кыргызстандын президенти Садыр Жапаров 18-декабрда Японияга жумушчу сапар менен келди. Анын келишин Япониянын премьер-министри Санаэ Такаитинин чакыруусу менен «Ортолук Азия + Япония» Диалогунун биринчи саммитине катышуу үчүн макулдашылган.
Президентти алып келген учак Токио шаарындагы «Ханеда» эл аралык аэропортуна конду.
Аэропортто Ортолук Азия өлкөлөрүнүн желектери коюлуп, килем төшөлдү.
Мамлекет башчысынын жолугушуусун Япониянын тышкы иштер министринин орун басары Эри Арфия жана башка кызматкерлер уюштурушту.
Бул сапардын алкагында президент менен Япониянын жогорку кызмат адамдарынын жолугушуусу пландалган.
Мындан тышкары, саммиттин алкагында Ортолук Азия жана Япония өлкөлөрүнүн өкүлдөрү катышкан бизнес-форум өтөт. ```
