15-декабрда Кыргыз Республикасынын президенти Садыр Жапаров Япониянын Чрезвычайный жана Ыйгарым укуктуу элчиси Рюити Хирано менен жолугушту. Элчи өзүнүн ыйгарым укук грамоталарын тапшыруу үчүн келген. Бул тууралуу мамлекет башчынын маалымат кызматы билдирди.
Президент Кыргызстан Японияны ишенимдүү дос жана негизги өнөктөш катары көрөрүн белгилеп, эки өлкөнүн ортосундагы мамилелер убакыт өтүшү менен дагы да бекемделип жатканын кошумчалады.
Садыр Жапаров Кыргызстан менен Япониянын ортосундагы кызматташуу жылдарында натыйжалуу өз ара аракеттенүү форматы түзүлгөнүн баса белгиледи. Узак мөөнөттүү демилгелер жана жогорку деңгээлдеги байланыштар өнөктөштүктүн негизги багыттарын үзгүлтүксүз жаңыртууга жана кеңейтүүгө мүмкүндүк берет.
Мамлекет башчысы жаңы элчинин иши кыргыз-япон байланыштарын андан ары өнүктүрүүгө жана жаңы өз ара пайдалуу долбоорлорду ишке киргизүүгө жардам берет деп ишенерин билдирди.
Өз кезегинде Рюити Хирано президентке жылуу кабыл алгандыгы үчүн ыраазычылык билдирип, эки мамлекеттин ортосундагы өз ара түшүнүшүүнүн жогорку деңгээлин белгиледи.
Элчи ошондой эле Япониянын Императору Нарухито жана Премьер-министри Санаэ Такаити тарабынан чын жүрөктөн саламдарды тапшырды, алар Кыргызстандын президентин жакынкы келечекте Японияга визит менен кабыл алууга даяр экенин белгиледи.
Ал активдүү кызматташтык жана эки өлкөнүн жетекчилигинен колдоо япон-кыргыз мамилелеринин динамикалык өнүгүшүнө жана алардын өз ара аракеттенүүсүнө жаңы мазмун кошууга жардам берет деп кошумчалады.
