Бүгүн Кыргызстандын Каржы министрлигинде Япониянын өлкөдөгү элчиси Хирано Рюити жана Япониянын эл аралык кызматташтык агенттигинин (JICA) өкүлү Нишигата Котаро катышкан жолугушуу өттү. Бул жаңы элчинин каржы министрине болгон биринчи расмий визити болду.
Министр конокторду жылуу кабыл алып, Хиранону кызматка дайындалышы менен куттуктады. Жолугушуунун жүрүшүндө кыргыз-япон мамилелеринин абалы жана келечеги, ошондой эле JICA менен кызматташтыкты тереңдетүү мүмкүнчүлүктөрү талкууланды.
Министр Кыргызстан белгиленген стратегиялык курс боюнча биргелешкен ишмердүүлүктү улантууга даяр экенин айтып, эки тараптуу байланыштарды өнүктүрүүнүн маанилүүлүгүн баса белгиледи.
Талкуу өз ара түшүнүшүү атмосферасында өтүп, эки тараптуу мамилелерди чыңдоого кызыкдар экенин билдиришти.
