Жолугушууга Кыргызстан Республикасынын Транспорт жана байланыш министри Апсатар Сыргабаев, Өзбекстан Республикасынын Транспорт министри Илхом Махкамов жана Кытайдан атайын өкүлдөр келишти. Жолугушуунун катышуучулары долбоордун курулуштун практикалык стадиясына өтүп жатканын белгилешти.
Министр Апсатар Сыргабаев долбоорду белгиленген мөөнөттө аяктоо зарылдыгына көңүл бурду жана курулуш иштерин тездетүү үчүн кыргыз тараптан бардык керектүү жардамды көрсөтүүгө даяр экенин билдирди.
“Кыргыз темир жолу” өкүлдөрүнүн айтымында, аталган долбоорду ишке ашыруу Кыргызстан үчүн гана эмес, бүт регион үчүн жаңы мүмкүнчүлүктөрдү түзөт, жүк ташуунун убактысын кыскартат, транзиттик потенциалды жогорулатат, жаңы жумуш орундарын түзөт жана өлкөлөр ортосундагы экономикалык байланыштарды бекемдейт.
