Бүгүн, 2014-жылдын 22-октябры, Кыргыз Республикасынын Юстиция министрлигинде Кыргыз Республикасынын Юстиция министри Алмамбет Шыкмаматовдун Даниянын адам укуктары институтунун өкүлү Сигрид Кристиансен жана Болцман институтунун адам укуктары боюнча өкүлү Геррит Зах менен жолугушуусу өттү.
Жолугушуунун максаты Кыргыз Республикасында мыйзамдын үстөмдүгүн илгерилетүү боюнча долбоордун маселелерин талкуулоо болду. Эсиңиздерге сала кетсек, өткөн жылы сентябрь айында Кыргыз Республикасы менен Европалык Союздун ортосунда «Кыргызстанда мыйзамдын үстөмдүгүн илгерилетүү, айрыкча ачыктык жана жоопкерчиликке басым жасоо» долбоору боюнча финансылык келишимге кол коюлган.
Жолугушуунун жүрүшүндө тараптар аталган долбоорду илгерилетүү боюнча мындан аркы иштердин зарылдыгын жана анын тез арада ишке ашырылышын белгилешти. Ошондой эле тараптар долбоордун алкагында пландалган иш-чараларды жана Планды ишке ашыруу жолдорун талкуулашты.
Тараптар ошондой эле бул кызматташтык аталган долбоор боюнча жакшы жыйынтыктарга алып келиши керектигин өзгөчө белгилешти.
