20-ноябрда облустук ички иштер башкармалыгынын имаратында Баткен облусунун ИИБ жана ГКНБ өкүлдөрү региондо иштеп жаткан чет өлкөлүк ишкерлер менен миграциялык мыйзамдардын маанилүү аспектилерин талкуулашты. Жолугушуунун катышуучулары миграциянын эрежелери, аларды сактоо үчүн зарыл болгон маалыматтарды, ошондой эле мыйзамсыз миграция менен байланышкан кесепеттер тууралуу кенен маалымат алышты.
Ошондой эле чет өлкөлүк жарандардын коомдук тартипти сактоодогу жоопкерчилиги, жарандыгы жок адамдардын укуктук статусун жөнгө салуу механизмдери жана жеке жана коомдук коопсуздукту камсыз кылуу боюнча сунуштар түшүндүрүлдү.
ИИБден белгилегендей, бул жолугушуунун негизги максаты мыйзамсыз миграция менен күрөшүү, мыйзам бузууларды алдын алуу жана чет өлкөлүк жарандар үчүн региондо мыйзамдуу жашоо жана бизнес жүргүзүү шарттарын түзүү болуп саналат.
