Россиянын Ички иштер министрлигинин маалыматына ылайык, ФСБ жана Росфинмониторинг менен биргеликте мыйзамсыз миграцияга каршы күрөшүү жана эл аралык кылмыштуу топтордун ишине каршы аракеттенүү максатында операция уюштурулган.
Операциянын негизги максаты мыйзамсыз миграция бизнесине байланыштуу кылмыштуу схемаларды токтотуу болду.
Сүрөт иллюстративдик
«Нелегал-2025» операциясынын жүрүшүндө миграция мыйзамдарын бузуу боюнча 128 миңден ашык факт катталды. Алардын 100 миңден ашыгы чет элдик жарандардын Россияга кирүү жана убактылуу жашоо эрежелерине, ошондой эле мигранттардын эмгек ишмердүүлүгүнө байланыштуу 28 миңден ашык мыйзам бузууга таандык.
Натыйжада 19 миңден ашык чет элдик жарандарды чыгаруу жана депортациялоо боюнча чечимдер кабыл алынды.
Оперативдүү-издөө иш-чараларынын жүрүшүндө мыйзамсыз миграцияга байланыштуу 4,8 миң кылмыш иши козголду, ошондой эле мыйзамсыз наркотиктер, куралдар, мамлекеттик чек араны бузуу жана экстремисттик же террордук мүнөздөгү кылмыштар боюнча 1,5 миң иш козголду.
Мындан тышкары, операциянын жүрүшүндө федералдык издөөдө турган 673 адам, мамлекеттер аралык издөөдө 329 адам жана эл аралык издөөдө 37 адам аныкталды.
