Полиция кызматкерлери Коледино айылында жайгашкан складда «оперативдүү-профилактикалык иш-чара» өткөрүштү. Текшерүүнүн жүрүшүндө Азия, Латын Америкасы жана Түндүк Африка өлкөлөрүнүн жарандары болгон мигранттар кармалды. Бул адамдарга Россияда болуу эрежелерин бузгандыгы үчүн 46 протокол (Россия Федерациясынын Административдик кодексинин 18.8-беренеси) жана мыйзамсыз эмгек ишмердүүлүгү үчүн 96 протокол (Россия Федерациясынын Административдик кодексинин 18.10-беренеси) түзүлдү.
Ар бир бузуучу үчүн 5 миң рубль өлчөмүндө айып пул белгиленди, андан кийин алар мажбурлап чет өлкөгө чыгарылат, деп билдирди Ички иштер министрлиги. Ошондой эле полиция жумуш берүүчүнү административдик жоопкерчиликке тартууну пландаштырууда.
