Россияда 600 миңден ашык кыргызстандык эмгек мигранттары бар

Кыргыз мигранттары 2018-жылы Россиядан 954 миллион доллар которушту

2018-жылдын беш айында эмгек мигранттарынан Кыргызстандын банкына келген акча которуулардын жалпы суммасы $972,3 миллионду түздү, анын ичинен 954 миллион долларды Россияда иштеген республиканын жарандары которушту, деп маалымдалат республиканын улуттук банкынын сайтында жарыяланган отчетто.

Расмий маалыматтарга ылайык, бүгүнкү күндө Россияда 600 миңден ашык республиканын эмгек мигранттары бар. Кыргызстандын ЕАЭБге киргенден кийин, 2015-жылдын августунда, республиканын мигранттары Россияда орус жарандарыменен эмгек укуктарында теңдештирилди. Эл аралык интеграциялык экономикалык бирикме 2015-жылдын 1-январында Бажы биримдиги жана Бирдиктүү экономикалык мейкиндик негизинде түзүлгөн. Азыркы учурда анын мүчөлөрү Россия, Армения, Беларус, Казакстан жана Кыргызстан.

"Январь-май айларында эмгек мигранттарынан келген акча которуулардын жалпы суммасы $972,3 миллионду түздү. Өткөн жыл менен салыштырганда бул көрсөткүч $120,8 миллионго өстү", — деп айтылат отчетто.

Ошондой эле, Россияда иштеген республиканын эмгек мигранттары Кыргызстандын банкына $954,4 миллион акча которушту, деп белгилейт улуттук банк.

Бул мезгилде Кыргызстандан башка өлкөлөргө болжол менен $196 миллион которулду, январь-май айларында өлкөгө таза акча которуулардын кириши $776 миллион деп бааланууда, деп такталат билдирүүдө.