7-ноябрдан тарта Бишкек шаардык ички иштер башкармалыгынын экстремизмге каршы күрөшүү жана мыйзамсыз миграция кызматкерлеринин базар аймагын текшерүү иши башталды. Максат – Кыргызстанда мыйзамсыз жүргөн жана ушул базарда иштеп жаткан чет элдик жарандарды аныктоо. Рейддин натыйжасында милицияга 120дан ашык чет элдик жарандар жеткирилди.
Текшерүүнүн жыйынтыгы боюнча:
- 23 чет элдик жаран Кыргыз Республикасынын укук бузуулар кодексинин 431-беренеси («Кыргыз Республикасында болуу тартибин бузуу») боюнча жоопкерчиликке тартылды;
- 2 Кыргызстандын жараны Кыргыз Республикасынын укук бузуулар кодексинин 93-беренеси («Кыргыз Республикасында чет элдик жумушчу күчүн тартуу жана пайдалануу эрежелерин бузуу») боюнча протоколдорду алышты.
Жыйналган бардык материалдар арыз берүү үчүн тиешелүү органдарга жөнөтүлдү.
