Финнадзор өз мониторингинин алкагында интернетте мыйзамсыз лотереяларды өткөрүү фактыларын каттоону улантууда.
Мониторингдин негизги максаты жарандарды адал эмес финансылык практикалардан коргоо.
Финнадзордун жакындагы билдирүүсүндө «БАРСБЕК БАТЫРАЛИЕВ» YouTube-каналына байланыштуу мыйзамсыз лотереялык ишмердүүлүк тууралуу айтылган, анда катышуу шарттары жана сыйлыктар тууралуу маалыматтар менен видеолор жарыяланган, жарандардан акча чогултуу жөнүндө сөз болгон.
2025-жылдын 25-октябрында @BarsbekBatiraliev расмий каналында жайгаштырылган видеодо автор Россияда Кыргызстандын Ички иштер министрлигинин кызматкерлери тарабынан жүргүзүлгөн кармоо тууралуу жана мыйзамсыз лотереялык ишмердүүлүк боюнча түшүндүрүү иш-чаралары тууралуу айтып берди. Ал ошондой эле 2025-жылдын 31-октябрына чейин катышуучуларга акчаларын кайтаруу ниетин билдирип, келечекте мындай оюндары өткөрбөө боюнча милдеттенмесин айтты.
Анткен менен, Финнадзор бул адамдын мыйзамсыз лотереяларды жарнамалоо үчүн мурда колдонулган башка каналы @barsbekbatraliev3, өткөрүлүү даталарын өзгөртүп, оюндары тууралуу видеолорду жарыялоону улантып жатканын аныктады.
Финнадзор экинчи канал жана ушундай контентти жайгаштыруунун улантылышы тууралуу маалыматтарды Кыргыз Республикасынын Ички иштер министрлиги менен кызматташып тактап жатканын баса белгилейт.
Финнадзор жарандарды сак болууга, ыйгарым укуктуу органдардын уруксаты жок онлайн-лотереяларга катышуудан качууга жана мындай фактылар тууралуу расмий сайтка https://fsa.gov.kg/ же көрсөтүлгөн телефон номерлери аркылуу билдирүүгө чакырат:
