Тергөө маалыматтарына ылайык, иштин негизги фигуранты жергиликтүү тургун болуп, ал өзүнүн мүлкү бар шериктерин ишке тарткан. Алар чет өлкөлүктөргө жашаган жери боюнча жалган каттоону камсыз кылышкан, анын баасы 5 миң рублге чейин жеткен.
"Ошентип, Иркутскта 1 500дөн ашык Борбордук Азия мамлекеттеринин жарандары мыйзамсыз легалдаштырылып, 2 500дөн ашык жалган документ даярдалган", - деп айтылат маалыматта.Шектүүлөргө Россиянын Кылмыш кодексинин 322.1-беренесинин 2-бөлүгү боюнча кылмыш иши козголгон. Бул беренеде 10 жылга чейин эркинен ажыратуу жазасы каралган. Текшерүүлөрдүн жүрүшүндө кармалгандардын колунда чет өлкөлүктөрдүн паспорттору, миграциялык документтердин бланктары жана келишимдер, ошондой эле байланыш каражаттары табылган. Үч фигурантка качып кетпөө боюнча чара катары кол коюу милдети белгиленсе, калган шектүүлөр чакыруу боюнча келишет. Алар берген бардык документтер жокко чыгарылат, ал эми жалган документтерди алган мигранттар өлкөдөн чыгарылат, деп кошумчалады Волк.
