Жыйындын жүрүшүндө оперативдик абал жана иштин негизги багыттары боюнча беш негизги маселе талкууланды. Атап айтканда, тынчтык мыйзамын сактоо, кибер кылмыштуулукка байланыштуу тенденциялар жана чет элдик жарандардын Бишкекте болушу менен байланышкан маселелер тууралуу сөз болду.
Бишкек шаардык ички иштер башкармалыгынын начальниги Азамат Токтоналиев айрым бөлүмдөрдүн ишинин оң жыйынтыктарына жана кемчиликтерине көңүл бурду. Аныкталган мыйзам бузуу фактыларына байланыштуу бир нече жетекчилер дисциплинардык чараларга тартылды.
«Жетекчилерге аныкталган кемчиликтерди дароо жоюу жана кызматтык милдеттердин аткарылышын көзөмөлдөөнү күчөтүү боюнча көрсөтмөлөр берилди», - деп кошумчалашты басма сөз кызматында.
Жыйында кызматтык дисциплинаны сактоонун, мыйзам бузуулардын алдын алуу боюнча профилактикалык иштерди жакшыртуунун, калк менен өз ара аракеттенүүнү активдештирүүнүн жана кылмыштарга убагында жооп берүү маанилүүлүгү да белгиленди.
Мындан тышкары, жакында боло турган шайлоолор алдында коомдук тартипти камсыздоо боюнча чаралар өзүнчө каралды.
