Маалыматка ылайык, октябрь айында бир мандаттуу округдан депутаттыкка талапкер Б.Б. өзүнүн штаб жетекчиси М.З. аркылуу 800 миң сомду «Көк бөрү» оюну үчүн спорттук инвентарь (тай казан) сатып алуу максатында өткөргөн.
Бул каражаттар Н.Р. аттуу ишкерге берилген, ал керектүү жабдууларды даярдаган. Спорттук жабдуулар Сосновка айылына жеткирилген жана жергиликтүү жаштарга тапшырылган.
Расмий билдирүүдө: «Б.Б. жана анын тарапташтары шайлоочулардын колдоосун мыйзамсыз камсыздоого аракет кылышкан» деп айтылат.
Кылмыш иши шайлоочулардын добуштарын сатып алуу үчүн жоопкерчилик каралган Кыргыз Республикасынын Кылмыш-жаза кодексинин 196-беренеси боюнча козголгон.
Ошондой эле ГУВДда талапкер жана ишке тиешеси бар адамдар тергөө органдарына жеткирилгенин белгилешти. Тергөө жыйынтыгы боюнча процессуалдык чечим кабыл алынып, юридикалык баа берилет.
Централдык шайлоо комиссиясы 13-ноябрда талапкерди кылмыш жоопкерчилигине тартууга уруксат берди.
