Пресс-кызмат тарабынан берилген маалыматка ылайык, жыйынга Ички иштер башкармалыгынын начальниги, милициянын полковниги Каныбек Абдырахманов, анын орун басарлары, ошондой эле борбордук аппараттын кызмат жетекчилери, райондук жана шаардык ички иштер бөлүмдөрүнүн начальниктери жана алардын орун басарлары, кылмыш иликтөө бөлүмүнүн жетекчилери жана участкалык милиция кызматкерлери катышты.
Жыйында 2025-жылдын 10 айындагы иштин жыйынтыктары, кылмыштарды иликтөө боюнча тергөө кызматын уюштуруу, жашы жете элек жарандар арасында мыйзам бузууларды аныктоо жана алдын алуу, ИИМдин ОИТинин ишмердүүлүгүнүн жыйынтыктары, ошондой эле санариптештирүү жана облустун аймагында видеокөзөмөлдү орнотуу боюнча жетишкендиктер талкууланды.
Жыйындын катышуучулары коомдук тартипти камсыз кылуу жана кылмыштуулукка каршы күрөшүү, мыйзам бузууларды алдын алуу, жол кырсыктарынын санын азайтуу, ошондой эле наркокылмыштуулукка каршы күрөшүү боюнча милдеттерди белгилешти. Ошондой эле жаштар арасында кылмыштуулукту алдын алуу, жарандарды тейлөөнүн сапатын жогорулатуу жана санарип трансформацияны күчөтүүгө көңүл бурулду. Мамлекеттик иш-чараларды өткөрүү жана чет өлкөлүк лидерлер менен жолугушуулар үчүн коопсуздук чаралары аныкталды, шайлоого даярдык көрүү жана добуш берүү күнү тартипти сактоо, ошондой эле шайлоо өнөктүгү учурунда ИИМ кызматкерлеринин мыйзамдуулугун жана адилеттүүлүгүн камсыз кылуу боюнча чаралар белгиленди. Белгиленген милдеттерди аткаруу үчүн конкреттүү мөөнөттөр белгиленди.
