Жолугушуунун катышуучулары интернет-алаяктылык учурларынын өсүшү жана "дроппердик" схемалардын жайылышы менен байланышкан маселелерди талкуулашты, бул схемалар жарандарга олуттуу материалдык зыян келтирип, финансылык институттарга болгон ишенимди бузат.
Талкуу учурунда ички иштер органдарынын кызматкерлери интернет-алаяктылыктын эң көп таралган түрлөрү, алардын ишке ашыруу механизмдери жана жарандарды кылмышкерлердин мыйзамсыз аракеттеринен коргоо боюнча чаралар тууралуу маалымат беришти. Банковдук тармактын өкүлдөрү болсо, кардарларды тейлөөдө коопсуздук чараларын күчөтүүгө, шектүү финансылык операцияларды убагында аныктоого жана компетенттүү органдарды ыкчам маалыматтандырууга багытталган сунуштарын билдиришти.
Иш-чаранын жыйынтыгы боюнча тараптар биргелешип маалыматтык- түшүндүрүү иштерин активдештирүүгө, жарандар арасында профилактикалык кампанияларды өткөрүүгө жана калктын санариптик маданиятын жана укук түшүнүгүн жогорулатууга багытталган чараларды ишке ашырууга макулдашышты.
