Мэриянын басма сөз кызматынан билдиришкендей, иштер инженердик коммуникацияларды көчүрүү зарылдыгынан улам созулуп жатат, азыркы учурда мындай иштерди «Бишкек шаардык телефон тармагы» акционердик коом, «Северэлектро» акционердик коом жана «Бишкек ПЭС» компаниялары жүргүзүүдө.
Мэр Айбек Джунушалиев бул иштердин тез арада аткарылышына көңүл бурду жана алардын аякташы үчүн беш күн мөөнөт белгиледи.
Мындан тышкары, ал бул участокто веложолду курууда сапатка көңүл бурууну тапшырды жана П-формасындагы светофорлорду орнотуу мүмкүнчүлүгүн карап чыгууну сунуштады.
Ошондой эле мэр мыйзамсыз токтотууга көзөмөлдү күчөтүүнүн зарылдыгын белгилеп, муниципалдык инспекциянын кызматкерлери бузуучуларга карата протоколдорду түзүүнү баштаганын айтты.
