Ведомствонун маалыматына ылайык, учурда 2-километрден 22-километрге чейинки участокто иштер жүргүзүлүүдө. Бул жерде жолду кеңейтүү жана жер иштерин жүргүзүү 85%га аткарылган. Мындан тышкары, 46 суу өткөрүү түтүктөрү орнотулуп, эки көпүрөнүн реконструкциясы жүрүүдө.
9-километрден 11-километрге чейинки участокта эки тараптуу асфальт төшөө иштери аякталды, ал эми башка участоктордо негизди даярдоо жана асфальттоо боюнча иштер улантылууда.
Курулуштун каржылоосу мамлекеттик капиталдык салымдардын эсебинен жүргүзүлүүдө.
Министрлик ошондой эле Арашан–Чункурчак жолу туристтик мааниге ээ экенин белгиледи, анткени ал тоо лыжа курортуна жана эс алуу зоналарына алып барат.
