Бул тууралуу бул айылдын тургундары билдиришти.
Алардын айтымында, айылда азырынча жарыктандыруу, транспорт жана жолдор боюнча көйгөйлөр чечилген эмес.
Ата-энелердин бири Зейнеп Бообекова балдардын кооптуу шартта мектепке жетээрин айтып берди.
«Эртең менен, 6–7 саатта, балдар мектепке жетүү үчүн аялдамага жөө барышат. Ошол убакта дагы караңгы. Окуучулар маршрутка жетүү үчүн караңгыда барышат. Жөө 30 мүнөттөн ашык жүрөбүз. Машинасы барлар — ошол менен барышат, ал эми машинасы жоктор — жөө барышат. Биз балдарды жалгыз жиберүүгө мүмкүнчүлүк жок — караңгы, кооптуу. Ошондуктан балдар менен бирге барабыз. Оврагынан өтүш керек, ал жерде жарык орнотууга жакшы болмок. Биз жол, жарык жана транспорт боюнча бир нече жолу кайрылдык. Мэрияга кайрылганда, маршрутка үчүн уруксат жок, тротуар жок деп жооп беришти», - деди ал.
Алымбек датка муниципалдык аймагынын башчысы Акбарали Зундуев бул айыл мурдача дача участогу болуп, эки айылдан турат деп билдирди.
«Көбүнчө көчөлөрдө жарык орнотулган. Эдельвейс айылынан Тюльпанга чейин аралык — болжол менен 3 километр. Ал жакта эч ким жашабайт, жол тоо аркылуу өтөт. Бул жолдун жарыктандыруусу чоң чыгымдарды талап кылат, ошондуктан «ОшСвет» ишканасы бул маселени кийинки жылдын планына киргизүүнү пландаштырууда. Транспорт боюнча биз бир нече жолу департаментке кайрылдык. Аймак тоолуу болгондуктан, ГАИ кызматкерлери азырынча уруксат беришкен жок, коопсуздук талаптарына жооп бербейт деп сылташады. Эдельвейс айылындагы бир километр жол асфальтталган, кийинки жылы мэрияга кайрылып, Тюльпанга чейин жолду асфальттоо үчүн аракет кылабыз», - деди Зундуев.
- Маалыматка ылайык, Тюльпан жаңы курулушу 2015-жылы негизделген. Азыркы учурда ал жерде болжол менен 300 адам жашайт, алардын 50 чамалуу — шаардык мектептерде окуган окуучулар.
