Шаардык мэриянын муниципалдык менчикти башкаруу департаментинин начальниги Манас Койчукуловдун айтымында, 54 камера орнотулуп, шаар аймагынын 80%ын камтыйт деп пландалууда.
«Камералар негизги көчөлөрдө, кесилиштерде жана көп адамдардын топтолгон жерлеринде жайгаштырылат. Ар бир кесилишке төрт камера орнотулат, алардын бири автоунаа номерлерин таануу мүмкүнчүлүгүнө ээ болот. Бул жабдыктар 360 градуска бурула алат. Жабдыкты орнотууну октябрдын аягына чейин бүтүрүү пландалууда, андан кийин система жергиликтүү милиция бөлүмүнө өткөрүлөт», — деп кошумчалады Койчукулов.
