Операцияга 2,5 миңден ашык укук коргоо органдарынын өкүлдөрү тартылган
Полициянын кылмыштуу топторго каршы багытталган чоң операциясы учурунда Рио-де-Жанейрода кеминде 64 адам өлдү, деп билдирет CNN Brasil.
Маалыматка ылайык, каза болгондордун арасында 60 банданын мүчөсү жана 4 укук коргоо органынын кызматкери бар. "Operação Contenção" (Сактоо) деп аталган операция Бразилиядагы Рио жана башка аймактарда CV (Comando Vermelho — "Кызыл команда") кылмыштуу тобунун аймактык кеңейишин токтотуу жана анын лидерлерин кармоо боюнча мамлекеттик инициативанын бир бөлүгү болуп саналат. Полиция CV мүчөлөрүн кармоо боюнча 100 ордерди аткарууда, алардын арасында башка бразилиялык штаттардан 30 адам бар.
Операцияга 2,5 миңден ашык укук коргоо органдарынын кызматкерлери тартылган. Учурда 81 адам кармалды, алардын арасында "Кызыл команда" лидерлеринин бири болгон Эдгар Алвес де Андраде, Дока же Медведь деген ат менен белгилүү финансылык операторго шектелген адам бар.
Атайын операция учурунда полиция он автомат, бир тапанча, үч мобилдик телефон жана тогуз мотоцикл тартып алды. Эки шектүү огунан жаракат алып, учурда медициналык мекемеде кармалууда.
Үч жергиликтүү тургун "жоголгон" ок менен жаракат алып, Гетулио Варгас ооруканасына жаткырылды. Жаракат алган адамдардын бири спорт залында машыгуу учурунда рикошеттен жаракат алган аял болду, бирок ал азыркы учурда чыгарылды.
Сүрөт www
