Казакстанда традициялык Turkistan Marathon жарышы өттү
Казакстандагы эл аралык Turkistan Marathon марафонында отставкадагы милициянын генерал-майору Кемелбек Киязов үчүнчү орунду ээледи. Бул тууралуу Кыргызстандын Ички иштер министрлигинин маалымат кызматынан маалым болду.
69 жаштагы ардагер 42 чакырым 195 метр аралыкты 3 саат 46 мүнөт 2 секундда жүгүрүп өтүп, жеке рекордун жаңыртты. 60–69 жаш категориясында ал үчүнчү орунду тастыктап, жакшы жыйынтык көрсөттү.
Бул жетишкендиктерин Киязов Кыргыз Республикасынын милициясынын келе жаткан күнү үчүн арнады, ал быйыл өзүнүн негизделгенине 101 жыл толуп жатат.
2024-жылы Киязов ошондой эле Түркиянын Анталия шаарында марафондо Кыргызстандын намысын коргоп, 10 чакырымды 43 мүнөт 33 секундда ийгиликтүү жүгүрүп өтүп, "Спорттун чебери" наамын алуу үчүн норманы аткарды.
Сүрөт МВД КР
