Контрабандалык күрүч 6-7 тонна табылды
Кадамжай районунда контрабанда менен алектенген уюшкан кылмыштуу топтун мүчөлөрү кармалды.
ГКНБнын маалыматы боюнча, Кыргызстан жана Өзбекстан жарандарынын түзгөн тобу «Фергана - Чон-Кара - Кадамжай» маршруту боюнча ар кандай товарларды контрабанда менен алып өтүшкөн.
«Өзбекстан жарандары өз аймагында көп көлөмдө күрүч сатып алып, андан кийин ал Кадамжай районунан «Чон-Кара» анклавына өткөрүлүп берилген. Андан соң, «Чон-Карадан» мыйзамсыз чыгарылган товар Кадамжай районунда Кыргызстан жаранына Ак-Турпак айылдык аймагында жүктөлүп, Кыргызстан аймагында сатылган. Учурда контрабандага катышкан Кыргызстан жараны М.Н.А. тергөөдө», - деп билдиришти атайын кызматтан.
Кадамжай районунда оперативдүү-издөө иш-чараларынын натыйжасында Өзбекстандан Кыргызстанга алып келинген 6-7 тонна контрабандалык күрүч кармалды.
ГКНБнын сүрөтү
