Балыкчыда балдардын психологиялык колдоосуна арналган жыйын өттү. Бул тууралуу Кыргызстандын Эмгек, социалдык камсыздоо жана миграция министрлиги билдирди.
Ведомствонун маалыматы боюнча, жумушчу жыйынга ар кандай мамлекеттик мекемелердин өкүлдөрү, жергиликтүү өз алдынча башкаруу органдары жана Балдар иштери боюнча комиссиянын (БИКом) мүчөлөрү чогулушту.
Иш-чаранын катышуучулары балдардын укуктарын коргоо, зомбулуктун алдын алуу жана мамлекеттик жана муниципалдык структуралардын балдардын коопсуздугу жана бакубаттуулугун камсыздоо боюнча өз ара аракеттенүүсүнүн маанилүү аспекттерин талкуулашты.
Зомбулук учурларын эрте аныктоо, социалдык кызматкерлердин жана балдарды коргоо адистеринин ролун жогорулатуу, ошондой эле зомбулукка кабылган балдарга убагында психологиялык жардам көрсөтүүнүн зарылдыгына өзгөчө көңүл бөлүндү.
Жыйындынын жыйынтыгында төмөнкү чечимдер кабыл алынды:
- Балыкчы шаардык мэриясы зомбулукка учураган жана кыйын жашоо шартында болгон балдарды колдоо үчүн психологиялык адистерди убактылуу тартууга аракет кылат;
- балдарга жана алардын үй-бүлөлөрүнө туруктуу жардам көрсөтүү үчүн тиешелүү мекемелерде психологдун штаттык бирдигин киргизүүнүн мүмкүнчүлүгүн карап чыгуу;
- зомбулуктун алдын алуу жана балдардын укуктарын бузуунун алдын алуу боюнча профилактикалык иш-чараларды иштеп чыгуу үчүн межведомстволук техникалык топ түзүү;
- балдардын укуктарын жана кызыкчылыктарын коргоо боюнча ведомстволор ортосунда кызматташтыкты жана маалымат алмашууну улантуу.
