Бул жарлыкка ылайык, 2025-жылдын 6-ноябрынан 2026-жылдын 31-октябрына чейин Кыргызстанга Торугарт — Жалал-Абад участогунда (долбоорлоо, курулуш, каржылоо жана темир жолду пайдалануу кирет) иштөө үчүн келген чет элдик адистер үчүн мамлекеттик жыйымдарды төлөө жана убактылуу жашоо ордун каттоо тартиби жөнөкөйлөтүлөт.
Бул чара маанилүү инфраструктуралык долбоор — темир жол магистралын ишке ашырууну тездетүүгө багытталган, ал өлкөнүн транзиттик потенциалын жана инвестициялык тартымдылыгын жогорулатуу үчүн негизги элемент катары каралууда.
Жарлыктын аткарылышын көзөмөлдөө президенттин администрациясына, Улуттук коопсуздук мамлекеттик комитетине жана мамлекет башчысынын иш башкармалыгына жүктөлдү.
Жарлык быйылкы жылдын 6-ноябрынан тарта күчүнө кирет.
