Жаңы мыйзамга ылайык, 2026-жылдан тарта саясий партиялар, кесиптик бирикмелер, диний бирикмелер жана кооперативдер, акысыз каражаттарды пайдаланган учурда, жыл сайын 1-апрелге чейин өздөрүнүн кирешелери, чыгашалары жана мүлкү тууралуу маалыматты салык кызматтын сайтында жарыялоого милдеттүү болушат.
Бул уюмдардын финансылык отчеттору коммерциялык сыр катары корголбойт. Өкмөт мындай отчеттордун формасын жана тапшырылыш тартибин аныктайт.
Өзгөртүүлөр «Саясий партиялар жөнүндө», «Кесиптик бирикмелер жөнүндө», «Кооперативдер жөнүндө» жана «Дин эркиндиги жана диний бирикмелер жөнүндө» мыйзамдарга тиешелүү.
Бул мыйзам кол коюлган күндөн он күн өткөндөн кийин күчүнө кирет.
