Катышуучулардын арасында премьер-министр Адылбек Касымалиев, өкмөт мүчөлөрү жана Binance компаниясынын негиздөөчүсү Чанпэн Чжао да бар.
Садыр Жапаров өлкөдө виртуалдык активдер рыногу активдүү түзүлүп жатканын белгиледи: "Биз лицензияланган катышуучулардын санынын өсүшүн, нормативдик базанын өнүгүшүн жана зарыл инфраструктуранын түзүлүшүн байкап жатабыз. Кыргызстан криптовалюталарды кабыл алуу боюнча дүйнөлүк индекстин 19-орунунда турат, бул коомдун цифралдык чечимдерге даярдыгынын жогорку деңгээлин көрсөтөт," - деди ал.
Президент виртуалдык активдерди жана блокчейн технологияларын ийгиликтүү киргизүү системалык жактан мамиле кылууну жана ойлонулган чечимдерди талап кылат деп кошумчалады. "Улуттук кеңеш эл аралык тажрыйбаны жана мүмкүнчүлүктөрдү интеграциялоо үчүн маанилүү роль ойнойт," - деп жыйынтыктады ал.
