Катышуучулар кар барысынын сакталуусунун маанисин, анын табигый жашоо чөйрөсүн жана айлана-чөйрөнү коргоодо эл аралык жана коомдук уюмдардын ролун талкуулашты. Кыргызстандын кар барыстарынын абалы жана аларды коргоо үчүн жасалып жаткан аракеттер тууралуу актуалдуу маалыматтар сунушталды.
Мындан тышкары, иш-чаранын жүрүшүндө катышуучулар кар барысынын популяциясын сактоо жолдору боюнча пикир алмашышып, өз сунуштарын беришти. Жыйынтыгында, бардык катышуучулар NABU Кыргызстан тарабынан даярдалган маалыматтык материалдарды алышты.
Кар барысы 2023-жылдын аягында президент Садыр Жапаров тарабынан тиешелүү жарлыкка кол коюлгандан кийин **Кыргызстандын улуттук символу** деп жарыяланды.
Бул сейрек кездешүүчү жаныбар Кыргызстандын Кызыл китебине киргизилген жана Эл аралык табиятты коргоо союзу тарабынан корголот. Дүйнөнүн 12 өлкөсүндө кар барысы жок болуп кетүү коркунучундагы түр катары классификацияланат.
