Кыргызстандын расмий символу 1-31-октябрь аралыгында өтө турган «ЭКСПО-Милан 2015» эл аралык көргөзмөсүндө кичинекей кар барысы болот. Бул тууралуу бүгүн Кыргызстандын «ЭКСПО-Милан-2015» эл аралык көргөзмөсүнө катышуу боюнча уюштуруу комитетинин жыйынында көргөзмөнүн контрофицери Тимур Воинов билдирди.
Анын айтымында, Кыргызстандын ЭКСПО-2015 көргөзмөсүнө катышуусу өлкө үчүн чоң пиар болуп саналат.
«Бул иш-чара Кыргызстан үчүн чоң пиар. Анткени бүгүнкү күнгө чейин интернетте же башка жерлерде мурунку ушундай көргөзмөлөрдүн видеолору пайда болуп жатат. Алар бүгүнкү күндө да көп көрүүлөрдү жыйнайт. Эгер биз баарын жакшы уюштурсак, биздин видеолор дүйнө жүзүнө тарап, дүйнөдө көрүүлөрдүн ар биринин саны менен биздин өлкөбүз тууралуу маалымат алгандардын саны көбөйөт. Бул көргөзмө - ошондой эле өлкөгө туристтердин чоң агымын тартуу үчүн мүмкүнчүлүк», - деди ал.
