Жыйында президент Кыргызстан көптөгөн региондогу өлкөлөрдөн айырмаланарын, анткени өлкөдө виртуалдык активдер боюнча мыйзам кабыл алынганын жана ушул тармакта так мамлекеттик саясат түзүлүп жатканын белгиледи.
«Биздин өлкөдө виртуалдык активдер рыногу активдүү өнүгүп жатат, лицензияланган катышуучулардын саны өсүүдө, нормативдик база бекемделүүдө жана жаңы инфраструктуралык демилгелер ишке ашырылууда. Кыргызстан криптовалюталарды кабыл алуу боюнча глобалдык индексте 19-орунду ээлеп, Борбордук Азияда ишенимдүү лидерлик кылууда», — деди КР президенти.
Мындан тышкары, Улуттук кеңештин катчылыгынын жетекчиси Фархат Иминов жаңы виртуалдык активдер жөнүндө мыйзам жана «мамлекеттик криптовалюталык резерв» жана «мамлекеттик майнинг» түшүнүктөрүн киргизүү тууралуу доклад жасады.
