Ал технологиялардын жаңы мүмкүнчүлүктөрү менен катар жаңы коркунучтарды да алып келерин белгиледи.
«Кибер кылмыштуулук, акчаны жуу, экстремизмди жана терроризмди каржылоо, жеке маалыматтардын агып кетиши, ошондой эле виртуалдык активдер рыногунда манипуляциялар. Бул чакырыктар укук коргоо органдарынан, финансылык жөнгө салуучулардан жана бардык мамлекеттик мекемелерден биргелешкен аракеттерди жана коопсуздук боюнча бирдиктүү стандарттарды түзүүнү талап кылат», — деди Ниязбеков.
Министр ошондой эле виртуалдык активдер боюнча коркунучтарды башкаруу боюнча улуттук стандарттарды иштеп чыгуу жана киргизүү зарылдыгын, ошондой эле мындай системалардын ийгиликтүү колдонулуп жаткан өлкөлөрдүн эл аралык сунуштарын жана мыкты практикаларын эске алууну белгиледи.
