Бул мыйзам Жогорку Кеңеш тарабынан 2025-жылдын 25-октябрында бекитилди.
Мыйзамды кабыл алуунун негизги максаты демографиялык өсүүнү стимулдаштыруу, көп балалуу энелерге колдоо көрсөтүү жана өлкөнүн тоолуу жана алыскы аймактарында жашаган балдарды өнүктүрүү үчүн шарттарды түзүү болуп саналат.
Жаңы мыйзамга ылайык, тоолуу жана жеткиликтүүлүгү кыйын аймактарда туруктуу жашаган көп балалуу энелер 2026-жылдын 1-январынан баштап төрт жана андан көп бала төрөлгөн учурда «Бала Береке» бир жолку төлөмүн ала алышат. Бул төлөм Кыргыз Республикасынын жарандарына жана кайрылмандарга жеткиликтүү болот.
Мындан тышкары, мыйзамда Министрлер Кабинети «Бала Береке» бир жолку жардамдын өлчөмүн, дайындоо тартибин жана төлөм шарттарын аныктай турганы белгиленген.
Бул мыйзам 2026-жылдын 1-январынан баштап күчүнө кирет.
