Кыргызстандын Тышкы иштер министрлигинин маалымат кызматынан билдирилгендей, жолугушуу эки өлкөнүн ортосундагы мамилелерди өнүктүрүү перспективаларына арналды. Кулубаев жана Ли Ук-хон кийинки жылга пландалган жогорку деңгээлдеги визиттерди даярдоонун маанисин талкуулашты.
Корея эки тарапты кызыктырган бардык негизги багыттар боюнча кызматташууну кеңейтүүгө даярдыгын билдирди.
Министр Кулубаев саясий диалогду тереңдетүүнүн жана практикалык кызматташуунун маанисине көңүл бурду, ошондой эле 2024-жылдын декабрында президент Садыр Жапаровдун Сеулга болгон визити учурунда жетишилген келишимдерди аткаруу Кыргызстан менен Кореянын ортосундагы байланыштарды бекемдөө үчүн маанилүү кадам болоорун кошумчалады.
Жолугушуунун жүрүшүндө эки тараптуу жана көп тараптуу мүнөздөгү актуалдуу маселелер, анын ичинде "Ортолук Азия + Корея Республикасы" форматынын алкагындагы биргелешкен иш-аракеттер талкууланды.
