Негизги көңүл соода-экономикалык кызматташтык маселелерине, ошондой эле айыл чарба, энергетика, кайра иштетүү жана транспорт долбоорлору менен байланышкан темаларга бурулду. Ошондой эле көзөмөл-өткөрүү пункттарынын ишин оптимизациялоо жолдору жана Кытай, Кыргызстан жана Өзбекстанды бириктирген темир жолдун курулушун илгерилетүү маселелери талкууланды.
Министрлер ошондой эле БУУнун алкагында кызматташуу, "Бир пояс, бир жол" демилгеси жана "Ортолук Азия – Кытай" форматын талкуулашты. Эки тарап 2025-2026-жылдарда Кыргызстан Шанхай кызматташтык уюмунун төрагалыгын жүргүзгөндө активдүү өз ара аракеттешүүгө даяр экендиктерин билдиришти.
Жолугушуунун натыйжасында биринчи стратегиялык диалогдун жыйынтыктары боюнча биргелешкен билдирүү жана 2026-2027-жылдарга Кыргызстандын жана Кытайдын тышкы иштер министрликтеринин ортосундагы кызматташтык программасы кол коюлду.
